Sökk.is

Kínverjar eru ekki vinir mínir. Það er lokað á allar undirsíður á blogspot. Prump get því ekki opnað síðuna mína hér en ég get samt bloggað. Er að vinna í að gera nýja síðu þar sem ég get sett inn myndir og stöff. Tölvan mín er óþekk, greinilega of góðu vön. Hún vill ekki netsnúru sem er það eina sem í boði er hér á hótelinu. Þvílíkt ves að fá tölvuskrattann til að tengjast, næst stundum með því að nudda snúrunni inni í plögginu og svo setja fjarstýringu undir pluggið til að halda henni á réttum stað. Tókst núna og því verð ég að passa að hreyfa hvorki tölvuna né snúruna annars slitnar sambandið.

Brjálað stuð hér í Shanghai, þetta er snilldarborg. Fórum á Radisons SAS í gær, já upp á 45. hæð á bar sem var þar í kúlunni efst á byggingunni. Mar sá yfir alla borgina, þetta var geggjað. Púff það er svo mikið sem ég þarf að segja frá en ég er svooooo svöng núna að ég ætla út að finna mér eitthvað að eta. Ef ég kemst aftur á netið á eftir þá fer ég að vinna í þessari síðu.

Vonandi fáum við íbúðina okkar á morgun og þá fáum við þráðlaust net strax eftir helgi. Eins gott að tölvan mín virki á því, er ekki að nenna svona vesi meir.

L8er

P.s. ég held ég hafi étið hund í gær múhahhaha.