RebZ, villikisi með meiru :o)

Of mikið af húsverkum valda heilaskaða....

mánudagur, september 04, 2006

Skondið líf :)
Dagurinn í dag (já eða hálfur, það er víst ekki líf fyrir hádegi þessa dagana hjá mér) hefur farið í gerð rannsóknaráætlunar fyrir BS ritgerðina mína. Þótt ótrúlegt megi virðast hefur það gengið að óskum, er að leggja lokahönd á áætlunina.
Þegar ég var að gúggla ritgerðarefnið mitt í leit að vefheimildum kom færsla upp á gúggúl sem ég hafði skrifað á síðasta ári. Hér með kvóta ég í hana frá 21. nóvember 2005:
"Well well. Þá er tveimur prófum af fimm lokið. Í dag var það stefnumiðuð áætlunargerð og ég held barasta að mér hafi gengið alveg ágætt. Engin nía en vonandi næ ég þessu, tókst allavega að föndra fram alveg ágætis áætlanir. Setti reyndar annað fyrirtækið alveg gjörsamlega á hausinn en jæja þannig er lífið, það vinna ekki allir. Svo er bara frí á morgun þar sem við tókum eitt prófið í síðustu viku og svo eru það síðustu þrjú á miðvikudag, fimmtudag og föstudag. Verður ógó gott þegar þetta er allt liðið. En þá tekur missó við sem verður vonandi bara stuð. Við erum með fínt verkefni sem ég held að verði bara gaman að vinna. Fattaði reyndar í gærkvöldi þegar ég var að læra fyrir prófið að mig langar að EVA greina (economic value added) eitthvað fyrirtæki, kannski spurning um BS ritgerð bara ef það er nógu ítarlegt fyrir hana hmmmmm. Hef varla sofið fyrir áhyggjum síðustu ár yfir þessari blessuðu ritgerð, gæti nú bara gerst að þetta verði bara stuð eftir allt saman. Alveg mér líkt að hafa áhyggjur nokkur ár fram í tímann. "
Ótrúlegt en satt, eftir allar andvökunæturnar og magakvalirnar yfir vali á ritgerðarefni var þetta niðurstaðan. Ritgerðin mín heitir sem sagt:

“EVA – (Economic Value Added)
Hagsauki fyrirtækja”

Fjallar sem sagt um EVA greiningu sem er aðferð til að mæla þá virðisaukningu sem rekstur fyrirtækis skapar umfram þá kröfu sem eigendur fjármagnsins, hluthafar og lánveitendur gera til þess. Já hljómar spennandi er haggi? En ég er allavega geggt sátt við valið þótt ég sé ekki alveg jafn sátt við nafnið. Málið er að upphaflega átti hún að heita "EVA - hagrænn virðisauki fyrirtækja" en málið er að allir bankar og greiningadeildir nota orðið hagsauki. Mér finnst hagsauki bara ljótt orð, hagrænn virðisauki hljómar mikið kúlaðara en ég taldi að ljóta orðið hentaði betur þar sem það er meira notað yfir þessa aðferð.
Framkvæmdi það afrek að fara í Þjóðarbókhlöðuna í síðustu viku í leit að heimildum. Labbaði út eins og sannkallaður proffa-bókaormur með 4 hlussu bækur úr fjármálageiranum. Ágætis stofnun þar á ferð, efa þó að ég fari að venja komur mínar þangað.
Well langaði bara að deila þessu hér :)
l8er

1 Comments:

  • At fim. sep. 07, 04:36:00 f.h. 2006, Anonymous Nafnlaus said…

    hæ skvís eva ohhhh ógeðslega fyndin núna. Er ekki hægt að skýra hana EVU upp á nýtt og kalla hana HVF = hagrænn virðisauki fyrirtækja. :) Viltu nú vaka eitthvað fyrir mig einhverja nóttina svo við getum grínast smá á msninu. plís..........

     

Skrifa ummæli

<< Home