Jæja þá er hún Mör söster búin að smita mig af Eurovisionfárinu. Ég er orðin húkkt! Komin með öll lögin sem keppa í ár á disk og búin að hlusta margoft á þau. Og audda er ég búin að dæma eins og sönnum aðdáenda sæmir.

1. sæti: Ísland "Open your heart" (Að sjálfsögðu verður mar að styðja eigin þjóð!!!! Svo er Birgitta nú voða sæt ef hún sleppir hnjásveiflunum og puttabendinu.)



2. sæti: Írland "We've got the world" (sætur strákur, Mickey Harte, með gítar og álfaeyru. Fínt lag sem mar fer ósjálfrátt að syngja með. Er samt búið að líkja þessu lagi við "Fly on the wings of love.......)



3. sæti: Kýpur "Feeling Alive" (Flutt af Stelios Konstantas. Algjört stuð lag í suðrænum anda.)



4. sæti: Þýskaland "Let's get happy" (Flutt af Lou sem er með skærappelsínugult hár. Það verða allir vinir sem hlusta á þetta lag. Kannski verða sumir gay.......)



5. sæti: Spánn "Dime" (Rosa sæt stelpa, Beth, með pinna í vörinni og dreadlocks!!!! Algjör skutla og lagið venst vel.)



6. sæti: Rússland "Ni Ver', Ni Bojsya" (Að sjálfsögðu munu stelpurnar í t.A.T.u sprengja allt í loft upp eins og þær eru vanar. Lagið er alveg eins og öll önnur lög hjá þeim en það mun kannski skemma aðeins að lagið er flutt á rússnesku þar sem þær voru of seinar að senda enskan texta.)



7. sæti: Holland "One More Night" (Esther Hart ætlaði fyrst að keppa fyrir Bretland en ákvað að hætta við það og syngja fyrir heimalandið og tekst vel upp.)



8. sæti: Bretland "Cry baby" (Parið í Jemini eru bara tuffarar. Gaurinn hreinlega flippar á sviðinu. Algjör stuðbolti!)



9. sæti: Rúmenía " Don't Break My Heart" (Flutt af Nicola. Hún er reyndar ekkert fyrir augað greyið. En lagið kemur manni í stuð.)



10. sæti: Úkraína "Hasta la vista" (Flutt af Olexandr Ponomaryov. Snilldar lag sem nær langt á aulaskapnum!!!)



Þannig eru mínir dómar. Sjáum svo til hvort eitthvað vit sé í þessu hjá manni.

P.s. Ef þið hafið heyrt eitthvað af þessum lögum endilega komið með comment ;o)
Hér er svo linkur á uppáhaldseurovisionsíðuna mína ;o)

Well EUROVISIONaway!!!!!