Gleði

Haldiði ekki að prófið hafi bara gengið svona blússandi vel. Well engin tía en allavega ekki fall. Þannig að nú er smá læripása (þótt ég megi ekki við því) og ég var að dunda mér við myndir. Setti inn myndirnar frá Danmörku síðasta sumar þegar ég fór þangað með skottunni minni. Þær eru reyndar ekki alveg í réttri röð en það ætti ekki að skipta miklu máli.

Við flugum til Köben og beint þaðan í lest til Lalandia sem er algjör krakkaparadís. Þar gistum við í sumarhúsi í 4 daga með Viggu og Guddu og börnunum þeirra. Svo var rúllað aftur til Köben þar sem ég og Berglind fórum til Elsu vinkonu á kagsa. Vorum þar í 3 daga að mig minnir. Svo tókum við mæðgur lest til Horsens og vorum hjá Dæju vinkonu í nokkra daga og þar komst stelpan sko á djamm (huhumm ég sko, ekki dóttirin). Engar myndir frá því samt. Fórum í Legoland sem er audda skylda þegar mar fer með kríli í svona ferð. Svo var aftur rokið til Köben til Elsu í 2 daga. Frábær ferð og gaman að upplifa svona með skottunni sinni. Bara að skrifa um þetta þá fæ ég fiðring í magann. Langar aftur!!! Ætli ég endi ekki inni á Icelandair og panti mér bara flug næst þegar ég fæ mér í aðra tánna sem verður víst annað kvöld. Hmmmmm ég fæ nefninlega ansi fínar hugdettur þegar ég er í tánni ;o)

táslAWAY