Túddúrú

Fór í fyrsta tímann minn í gær og váááá hvað þetta var gaman. Var sett beint á hjólið og varð bara að gjöra svo vel að taka af stað. Svo var ég látin sveima í hringi svo ég fengi tilfinningu fyrir hjólinu og æfa mig í að bremsa og taka af stað. Þetta gekk svona upp og ofan en ég var allavega farin að gefa aðeins í fyrir rest og prófa keilubrautina (notaði reyndar bara aðra eða þriðju hverju svona fyrst), ég var soldið smeyk við að beygja þar sem mér fannst alltaf eins og ég væri að fara á hliðina (Hjalta tókst það nú!!!! en slasaðist voða lítið, reyndar var það hjólið sem hann var á sem olli þessu falli hans, inngjöfin eitthvað í rugli). En hvað um það ég sveimaði þarna um einhverja fótboltavelli og var orðin nokkuð kræf í lokin. Þorði að taka svona nokkurn veginn U beygju og potast í keilubrautinni. Hjalti tók nú vídeó af mér sem ég hef ekki séð og veit ekki alveg hvort mig langi að sjá það hahahaha. Var ekki alveg búin að finna kúplingspunktinn sko huhummmm. Kannski ég setji það inn á heimasíðuna mína, það er aldrei að vita.

Næsti tími er svo í kvöld kl. 6 og þá verður spennandi að sjá hvort manni hafi farið eitthvað fram. Farin að hlakka ýkt til. Eins og ég segi: THIS IS LIFE!!!!

Síja
hjólAWAY