Hola

Voy esta noche a beber una cerveza porque estoy en humor tan bueno. ¿Alguien desea tener diversión con mí?

ble

Klaustrið

Eins og flestir lesendum ætti að vera orðið ljóst er starfrækt klaustur hér á Bifröst. Í dag ritaði Maddaman okkur hinum bréf á vefsíðu sinni og ætla ég að leyfa ykkur að lesa það hér ásamt svari systur Bekku. Kannski löng lesning en hún mun hafa góð áhrif á sál og líkama.

"Kæra abbadís Gunnella og systir Bekka!
Ég vil byrja á að þakka ykkur fyrir allt sem þið hafið gert til að upplýsa fólk um lögmál Guðs. Ég hef lært margt af ykkur og geri allt sem í mínu valdi stendur til að deila þeirri þekkingu með eins mörgum og ég get.
Þegar einhver reynir að halda uppi vörnum fyrir samkynhneigð, svo dæmi sé tekið, minni ég viðkomandi einfaldlega á að í Þriðju Mósesbók 18:22 stendur: "Eigi skalt þú leggjast með karlmanni sem kona væri. Það er viðurstyggð." ... og þar með er það út rætt!
Erindi þessa bréfs er hins vegar það að mig langar að biðja ykkur að útskýra fyrir mér nokkur önnur atriði varðandi lögmál Guðs og hvernig ég get best farið eftir þeim eins og sannkristin nunna. Ég er sannfærð um að þið getið svarað þessum spurningum.
Í Þriðju Mósesbók 20:13 stendur að ef karlmaður leggist með öðrum karlmanni skuli þeir líflátnir verða. Þýðir þetta að mér beri að drepa Pál Óskar og Hörð Torfa ef ég skyldi fá tækifæri til þess og annað, má ég eiga diskana þeirra áfram?
Einnig brenni ég gjarnan nautainnyfli á altarinu mínu, eins og kveðið er á um í Þriðju Mósesbók 1:9: "...til brennifórnar, eldfórnar þægilegs ilms fyrir Drottin." Vandamálið er hins vegar fólgið í því að nágrönnum mínum finnst ilmurinn hreint ekkert þægilegur og eru búnir að kvarta til heilbrigðisfulltrúa Borgarbyggðar. Hvernig á ég að bregðast við þessu?
Vinur minn hefur verið að velta því fyrir sér að selja dóttur sína þrælasölum, eins og leyft er í Annarri Mósesbók 21:7: "Þegar maður selur dóttur sína að ambátt ..." Hvað heldur þú að væri sanngjarnt verð fyrir hana á vorum tímum fyrir 15 ára stelpu?
Ég veit að karlmaður má engin samskipti hafa við konu á meðan hún hefur á klæðum, hvorki snerta hana né sitja í stól eða liggja í rúmi sem hún hefur setið á eða legið í, eins og skýrt er kveðið á um í Þriðju Mósesbók 15:19-24. Eru einhverjar leiðir til að komast að því fyrir þá hvort þær hafa á klæðum. Ég veit að karlmenn hafa oft velt þessu fyrir sér og reynt að spyrja allar konur sem þeir eiga samskipti við, en flestar þeirra hafa tekið þessu afar illa og jafnvel slegið þá utanundir.
Í Þriðju Mósesbók 25:44 segir: "Viljir þú fá þér þræla og ambáttir, þá skuluð þér kaupa þræla og ambáttir af þjóðunum sem umhverfis yður búa." Þýðir þetta að ég megi aðeins kaupa þræla af Færeyingum og Grænlendingum eða gildir orðasambandið "þjóðunum sem umhverfis yður búa" um allt evrópska efnahagssvæðið?
Vinur minn einn vinnur í Vatikaninu við aðhlynningu sjúkra og þarf því stundum að vinna um helgar. Sömuleiðis er annar kunningi minn sjómaður og vinnur því stundum á hverjum degi í allt að heilan mánuð. Vandamál mitt er að í Annarri Mósesbók 35:2 segir: "Sex daga skal verk vinna en sjöundi dagurinn skal vera yður helgur hvíldardagur,hátíðarhvíld Drottins. Hver sem verk vinnur á þeim degi skal líflátinn verða." Ber mér, sem kristinni nunnu, siðferðileg skylda til að drepa þessa vini mína sjálf, eða verður mér látin í té aftökusveit til að vinna verkið?
Fyrir síðustu Verslunarmannahelgi bannaði vinur minn syni sínum sem er á þrítugsaldri en býr enn heima að fara á Þjóðhátíð í Vestmannaeyjum. Fyrst ætlaði hann ekki að taka mark á pabba sínum, en þegar hann hótaði að reka hann að heiman ef hann óhlýðnaðist ákvað sonurinn að fara hvergi, en brást þó reiður við og kallaði pabba sinn öllum illum nöfnum, s.s. "helvítis harðstjóra" og "djöfulsins fífl". Nú þykir vini mínum vænt um son sinn, en í Þriðju Mósesbók 20:9 stendur:"Hver sá sem bölvar föður sínum eða móður sinni skal líflátinn verða." Þýðir þetta að honum beri skylda til að drepa strákinn eða tekur þetta ákvæði ekki til bölvs og ragns af þessu tagi?
Þar sem ég veit að þið eruð sanntrúaðar og biblíulesnar nunnur er ég sannfærð um að þið getið greitt úr þessum vandamálum og vonast ég eftir svari frá ykkur hið fyrsta. Þakka ykkur enn og aftur fyrir að minna mig sífellt á að lögmál Guðs eru ein og óbreytanleg um alla eilífð.

Yðar einlæg maddaman"



Kæra systir Maddama.

Ég ætla að reyna að svara þér eftir bestu vitund þótt abbadís Guðrún geti varpað skýrara ljósi á áhyggjur þínar þar sem hún er jú æðst okkar allra. Hvað varðar Pál Óskar trúi ég því að engin okkar vildi lífláta þann snilldareinstakling sama hver kynhneigð hans er. (Manstu kvöldið okkar góða, hann er bara einfaldlega æðislegur mmmm (afsakið kæru systur að ég láti út úr mér slík unaðsorð í garð karlmanns en commonnn hann er ómótstæðilegur og það vitum við allar)). Hvað Hörð Torfa varðar þá hef ég enga skoðun á þeim einstaklingi og því er abbadísin betri í að koma með ráð hvað varðar hans líflát. Palli stays og diskarnir líka!!!!!
Hvað varðar nautainnyflailminn mundi ég ráðleggja þér að gera ekkert. Við systur erum allar nágrannar og finnst ilmurinn góður og kærkominn og minnir hann okkur á trú okkar og festu í lífinu. Ef kvartanir berast skaltu reyna að hreinsa huga þeirra einstaklinga og bjóða þeim til setu á næsta klausturfundi og skulum við í sameiningu opna huga þeirra fyrir okkar málefnum.
Verð stúlkukindarinnar ferð eftir gæðum hennar og til hvers hún skal brúkuð. Ef um er að ræða t.d. eldamennsku er hægt að reikna núvirði launa eldabusku í eins og 50 ár (gerum ráð fyrir að hún fái að hætta störfum við eldamennskuna á svipuðum tíma og aðrar konur hætta störfum og því mætti nota hana til annarra verka eftir það) og jafnvel bæta við smæðarálagi eins og 0,5% til 1% þar sem ekki er úr mörgum ambáttum að velja hér á landi. Ég er viss um að góð niðurstaða finnist ef rétt er farið að arðsemisgreina stúlkukindina.
Jú það er hægt að komast að því hvenær konur hafa á klæðum. Næst þegar þú eða aðrir eru í vafa skulu þeir spyrja hátt og snjallt: “Hvaða lykt er þetta?” og horfa fast í augu þeirrar grunuðu og sjá viðbrögð hennar. Ef hún fer undan í flæmingi þá má gera ráð fyrir að hún hafi á klæðum og út frá því mætti reikna út hinn 28 daga tíðahring konunnar. Auðveld lausn ekki satt?
Hvað þræla og ambáttir annarra landa varðar þá var ég búin að svara því á vefsíðu minni. Ég tel að lönd eins og Kína, Kanada og USA ættu einnig að vera á þeim lista fyrir okkur klausturkonur.
Hvað varðar líflát vina þinna verð ég því miður að hryggja þig með því að ég tel best að þú vinnir það verk sjálf. Systur verða að lifa eftir bókum þessum og hlýða þeim fyrirmælum sem þar koma fram. Við virðum hinn heilaga hvíldardag allar sem ein og tökum á okkur þá ábyrgð upplýsa þekkingarlausa um orð bókanna.
Þjóðhátíðir eru synd innan trúar okkar og tel ég því að faðir þessi eigi sér ekki fleiri kosti nema kveðja soninn. Satan er okkar versti óvinur og ef nafn hans ber á góma tel ég að framfylgja þurfi reglum bókanna í einu og öllu.

Yðar einlæg
Systir Bekka

Rglgrð nnn Bfrst

Nnnr kltr Bfrst þrf ð hlt kvðnm rglm. S sm brtr þr fr hfð sr skt sm hnr nnnrnr km tl mð ð nt sr sprt f m brt vrðr ð rð. g r hrdd m ð g grst sk m rglbrt nst dg. r þð hndm bbdsr ð sj m ð skldn vrð grdd.

Tkk frr

bl

Allt að verða vitlaust á Röstinni?

Í framhaldi atburða síðustu daga hér á póstþjóni skólans setti ég upp nýtt poll hér til hægri (kannski kominn tími til hehe). Allaveg þá nenni ég ekki að rifja þessa sögu hér upp og ætla því að vitna í hluta úr grein sem Maddaman skrifaði fyrr í dag. Að sjálfsögðu með hennar leyfi :)

"Allir muna skandalinn sem varð hér á Bifröst fyrr í haust. Fréttaleki af póstþjóninum, ásamt fleira góðgæti. Allt varð vitlaust. Fyrir helgi varð annar fréttaleki. Bréf sem nemandi skrifaði var komið inn á vefpóst feministans. Niðrandi ummæli um nemandann. Vita ekki allir að tölvupóstur og viðhengi hans eru eingöngu ætluð þeim sem tölvupósturinn er stílaður á og gætu innihaldið upplýsingar sem eru trúnaðarmál."

Hvað finnst ykkur um lagalega hlið þessa máls??? Koma svo og taka þátt

ble

ROP

Well ætli mar verði ekki að drita inn hér nokkrum orðum fyrir þá vesalinga sem álpast hingað inn. Ekki fatta ég hvað þessi blessaði teljari minn rúllar en fáir skilja eftir sig spor. En þannig er víst lífið ef mar ætlar að halda úti dagbók á opinberum vef. Ekki það, mér finnst ég bara ekkert sniðugur bloggari eins og sumar vinkonur mínar sbr. Gunnella snillingur með meiru, Maddaman sem er endalaust fyndin og svo Maja bla sem er bara fyndin týpa sem ég kynntist í DK í sumar. Ég reyni þó að ropa hér inn við og við til að reyna að skemmta sjálfri mér þó það væri ekki meira.

Lífið hér á Bif leikur sinn vanagang að venju, skiptist á skin og skúrir, verkefnaálag mismikið eftir vikum, sorgir og sigrar og þar fram eftir götum. Ég verð nú að viðurkenna að stundum fæ ég meira en nóg af að vera hérna. Eins og í dag þá fékk ég svona nennissiggi kast og langaði bara að pakka niður og koma mér héðan. Alveg komin með nóg af þessari endalausu afskiptasemi á milli íbúa þessa svæðis þar sem nálægðin er svo mikil að allir eru ofaní allra málum. Getur verið nett pirrandi á köflum þegar mar getur ekki átt sitt líf í friði án þess að Jón og Gunna í næsta húsi séu að skipta sér af. Kjaftagangurinn er ógurlegur hér. En það þarf víst að bíta í það súra epli að sætta sig við vitleysuganginn hér á svæðinu ætli viðkomandi að ljúka sínu máli. Og þar sem ég er þrjóskuhundur mikill endaði niðurpökkun dagsins í herbergjaskiptan á efri hæðinni.

Og það er ný saga :)
Semsagt tók ég þá ákvörðun að skipta um herbergi við ungana mína þar sem þau vildu fá heimilistölvuna inn í herbergið sitt og þar sem það er einungis tölvutengi í öðru herberginu þá varð mín bara að gjöra svo vel að svissa herbergjum til að uppfylla óskir ungmennanna. Því var byrjað á að tæma alla bala (sem í er hreinn þvottur sem á stundum mjög erfitt með að rata inn í skápana á heimilinu, fannst ýmislegt sem hafði verið saknað í nokkra daga hehe) og raða í þá dóti úr hillum og öðrum lausamunum. Því næstu fuku 3 hillur, ein kommóða, sjónvarp, vídeó, hjónarúm, kassar og balar á milli herbergja. Það vill svo til að þessa dagana er ég í svona "ég get ALLT" skapi sem hefur þær afleiðingar að ég bið ekki aðra um hjálp og því var þetta fok allt framkvæmt af mér og 10 ára dóttur minni. Rúmið mitt er queen size stærð sem er svona um 153 cm á breidd og áttum við mæðgur ekki í neinum erfiðleikum með að smella því á milli hergbergja. Þetta tók allt djöfuls tíma þar sem ég varð að þrífa allt í leiðinni og var það gert í hollum eins og búferlaflutningarnir. En jæja svo var komið að kojunum og mín sótti sexkant og fór að skrúfa þær í sundur. Þegar kom svo að því að lyfta efri kojunni af þeirri neðri tók ég eftir að hún litla mín var bara ekkert að lyfta kojunni (stundum ofmetur mar þessi litlu grey) þannig að ég braut odd af oflæti mínu og reif upp símann. Sú heppna var Gunnella nýi flotti bloggarinn sem ég benti hér á að ofan. Hún greyið var að vinna verkefni en sættist á að koma þegar ég fræddi hana um að þetta yrðu bara nettar 5 mín að henda þessu á milli, ég væri nú búin að skrúfa og allt. Well hún kom yfir og við rifum efri kojuna af og skunduðum með hana í átt að hinu herberginu. En úbbs þá hafði mín eitthvað reiknað vitlaust og sama hvernig við reyndum þá fór kojuhelvítið ekki inn. Við vorum hálfnaðar niður stigann með kojuna í lausu lofti á köflum en allt kom fyrir ekki, hún fór ekki inn. Þá var rifinn upp sexkantur að öðru sinni og gaflinn skrúfaður af. Það tók smá tíma en hafðist þó að lokum. Því næst var það neðri kojan og það sama varð að sjálfsögðu að gerast þar, gaflinn rifinn af og svo öllu hent á milli. Þá bað ég Gunnellu hvort hún gæti bara rétt hinkrað á meðan ég skrúfaði neðri gaflinn á aftur svo hún gæti lyft efri hlutanum upp með mér. Þarna var hún orðin svolítið rauð í framan þar sem þessar nettu 5 mín voru orðnar "aðeins" meira. En hún þraukaði (milli þess að rjúka fram á bað og skella hurðinni þar sem þvottavélin var í gangi og G var greinilega ekki að meika hljóðin í henni, úbbs) og á undraverðan hátt tókst okkur að ljúka verkinu. Djöfull hljóp hún hratt út hahahahaha, held ég skuldi henni þokkalegt matarboð núna. En allavega takk kærlega Gunnella mín kosskoss og kisskiss, hefði aldrei getað þetta án þín. (ok það er eitt sem ég get ekki sjálf og það er að lyfta koju ein). Svo er kvöldið búið að fara í svona lokaverk, skipta á rúmum og ganga frá hinu og þessu þó ekki sé allt búið enn. Klára þetta bara í næsta mánuði, það gerist nebblilega ekki oft að ég taki svona heimilisköst :S

Já eitt enn, í gær, laugardaginn 22. október klukkan 15:15, var stofnað klaustur á Bifröst í kjallara nokkrum. Reglur klaustursins eru frekar fyndnar en þar sem ekkert fer lengra sem rætt er um í þessum góða kjallara munu þær ekki verða ritaðar hér tíhí.

Well tel mig vera búna að ropa nóg í bili. Farin í dússið eftir erfiðan dag og svo í bælið í nýju sætustu sængurfötin mín úllalala

ble

Ammili ammili

Yndislega fallegi sonur minn hann Frímann Gauti á afmæli í dag. Guttinn er orðinn 8 ára. Vó hvað tíminn flýgur....
Til lukku krúttið mitt, lov u always :*

mommsla

Kaupstaðarferð

Alltaf gaman að kíkja í kaupstaðinn, s.s. Borgó tú bí spesiffikk. Semsagt fórum við sveitaskutlurnar, ég og Vigga, í Borgó í dag í smá innkaupaleiðangur. Við fórum líka saman í þarsíðustu viku en þá fórum við á bílnum hennar sem er Yaris og pakkfylltum hann þannig að við ákváðum að fara núna á mínum þar sem hann er nú með mun stærra skott. En hvað haldiði... okkur tókst nú samt að fylla hann líka og við hlógum svo mikið á leiðinn að við urðum bara að mynda þetta allt. Mar þarf víst ekki að fara í borgarferð til að eyða smá monningum sko........

ble.........

Úbbsasa

Líf að nýju ;o) víha. Fór í bæinn á föstudaginn til að versla "smá" að venju. Fékk mér voða fínan kjól fyrir haustfagnaðinn sem verðu næsta laugardag hér í sveitinni. Þemað er víst kokkteilkjólar og hvítt þannig að mar varð nú að finna eitthvað til að vera í. Svo fór míns að kaupa dekk undir kaggann á laug og gerði bara svaða fínan díl. Fékk mjög lítið notuð nagladekk á 30 þúsund kjell. Alveg sátt við það þar sem þau kosta ný 80 þús kjell. But svo fór míns á dekkjaverkstæði í Kópavoginum til að setja þau undir bílinn og þá hópuðust gæjarnir að bílnum mínum alveg óðir að fá að hjálpa til hehe. Það var einn ungur gaur þarna sem varð greinilega voða skotinn í bílnum mínum. Þegar hann sá dekkinn þá sagði hann: "nohhhh það eru bara formúludekk". Ég glotti bara og fór upp á kaffistofu og fékk mér kaffi. Svo kom gaur og sagði mér að bíllinn væri reddí þannig að ég hoppaði niður. Þá kom þessi ungi drengur að mér og hóf samtal:

Ungur gaur: "Ertu að flýta þér?"
Ég alveg "huhh hví?"
Ungur gaur: "Nei bara, ég er að klára að vinna og ætlaði að biðja þig um að keyra mig heim."
Ég: orðlaus....... huhhhh en tókst svo að stynja upp: "Hvar býrðu?"
Ungur gaur: "Í breiðholti"
Ég: "huuhhh ég er nú bara að fara hér í Kópavoginn og svo að drífa mig út á land"

Og með því settist ég upp í bílinn til að sleppa frá þessum furðulegu aðstæðum. Ég veit ekki hvort drengurinn var að reyna við mig eða bílinn minn hahahaha en nota bene, hann var svona 17 ára hahahahahahaha bara snilld.

Jæja þetta var nú skemmtileg saga er haggi vííííí

ble