RebZ, villikisi með meiru :o)

Of mikið af húsverkum valda heilaskaða....

fimmtudagur, mars 27, 2003

Á ekki bara að skella sér á djammið annað kvöld? Allavega er ég að fara að taka lokapróf í ensku í fyrramálið og verð heldur betur til í að sletta úr klaufunum að því loknu. Allir út að tjútta!!!
Well TJÚTTaway
Vá er eitthvað sætara til?????

þriðjudagur, mars 25, 2003

Jæja mar er bara vaknaður svona fyrir hádegi ótrúlegt en satt. Ástæðan er reyndar mjög einföld. Þurfti að mæta í foreldraviðtal niðri í leikskóla kl. 9 í morgun. Og þar var mér tjáð að sonur minn væri fyrirmyndabarn. Ekki það að ég hafi ekki vitað það fyrir en alltaf gaman að fá hrós fyrir gott uppeldi ;o) Ég vildi samt óska að hann væri jafn þægur heima hjá sér eins og hann er greinilega í leikskólanum hahahaha. En ég er á leiðinni til húðlæknis á eftir og hann ætlar að fara að gata mig. Djí eins og mar sé ekki með nóg af götum. En það verður víst saumað fyrir þetta aftur sem betur fer. Annars er ég svo mikil hæna að það á örugglega eftir að líða yfir mig.
Svo verður mar víst að skella sér í heimsóknartíma á spítala í borginni þar sem hún kellingin hún mútta mín liggur eftir botnlangaskurð í gærkvöldi. Ég verð bara að segja úlfur, úlfur!! Ok smá einkahúmor sem mörið skilur væntanlega ;o)
Svo er það bara skólabekkurinn í kvöld. Ansi fjölbreyttur dagur get ég sagt.

Well HÆNaway!!!

P.s. það er kominn snjór. Allir út að renna sér!!!

sunnudagur, mars 23, 2003

Ertu sigurvegari???
Þú ert nagli, þó ekki nógu harður.
Ég er semsagt kelling!!!!!!
Ertu með heilagerð karls eða konu?
Túlkun á niðurstöðunum

Þú hlaust 240 stig.

Flestir karlar ná stigafjölda á bilinu 0 til 180 og flestar konur 150 til 300. Heilar sem eru karlmiðaðir eru yfirleitt undir 150 stigum. Þeim mun nær núlli sem þeir eru, þeim mun afdráttarlausari karlheilar eru þar á ferðinni og testósterónmagnið að líkindum í meira lagi. Þessir einstaklingar búa yfir góðri rökvísi og skilgreiningarhæfni, eiga auðvelt með að tjá sig með orðum, eru agaðir í betra lagi og vel skipulagðir. Þeim mun nær núllinu þeir eru, þeim mun hæfari eru þeir til að gera kostnaðaráætlanir og spá fyrir um niðurstöður út frá tölfræðilegum athugunum án þess að tilfinningar hafi þar minnstu áhrif.

Niðurstöður sem hljóða upp á mínustölu benda til að heilinn sé ofur karlmiðaður. Það sýnir að mikið magn testósteróns var til staðar á fyrri þróunarstigum fóstursins. Þeim mun lægri sem stigafjöldinn er hjá konu, þeim mun meiri líkur eru á að hún hafi lesbískar tilhneigingar. Heilar sem eru kvenmiðaðir fá yfirleitt meira en 180 stig. Þeim mun hærri sem talan er, þeim mun kvenmiðaðri er heilinn og þeim mun meiri líkur á að einstaklingurinn búi yfir afgerandi sköpunargáfu, listrænum hæfileikum og sé músíkalskur. Þessir aðilar munu oftar en ekki taka ákvarðanir sem byggjast á innsæi eða hvatvísi og eru leiknir við að skilgreina vandamál með lágmarksupplýsingar í höndunum. Þeir eru og náttúraðir til að leysa vandamálin af skapandi innsæi. Þeim mun hærra yfir 180 sem stigagjöfin er hjá karli, þeim mun meiri líkur eru á því að hann sé samkynhneigður. Karlar sem eru neðan við núllið og konur sem eru yfir 300 hafa heila sem starfa með svo ólíkum hætti að þau eiga líkast til ekkert sameiginlegt annað en að búa á sömu plánetunni. Stigagjöf frá 150 til 180 ber vott um sveigjanleika í hugsun hjá báðum kynjum eða fótfestu í herbúðum beggja. Þessir einstaklingar sýna hvorki ákveðnar hneigðir til karlmiðaðrar né kvenmiðaðrar heilastarfsemi og eru venjulega sveigjanlegir í hugsun sem er vitaskuld afbragðs eiginleiki fyrir alla sem þurfa að leysa vandamál. Þeir hafa og tilhneigingu til að vingast bæði við karla og konur.
Jæja þannig er nú það!!!!





Take the What Type of Friend are
You?
quiz, and visit mutedfaith.com.
[Me.]

Ég hata skattaskýrslur!!!!!!!
Jæja það er heljarsaga frá föstudagskvöldinu. Þetta byrjaði allt á því að ég fór með Mör söster á Tapas að borða. Mör var að bjóða mér þar sem hún átti 10.000 kr. gjafabréf þarna. Og við bara pöntuðum fullt af kokkteilum og rosa góðan mat líka. Sátum þarna til 11 og fórum þá á Dubliners þar sem deCODE var með bjórkvöld sem var nú frekar illa sótt. Það voru 6 manns mættir þegar við komum en svo var fólkið að skríða inn rétt fyrir 12. Þar vorum við bara og sötruðum bjór og ég, Mör og Christian fórum á bullstigið og útkoman var hjólalopapeysa með fastan fjólubláan lit sem skolast ekki úr í rigningunni og svo yrðu lærin etin eftir niðurskurð fyrir hjólin. Ok þetta er kannski smá einkahúmor.....
En svo hittum við fólk frá Bretlandi sem eru eins konar Eurovision elskendur. Nett gaman að spjalla við fólk sem veit ALLT um Eurovision. Þau kunnu meira að segja öll íslensku lögin. Svo röltum við systur á Hlölla þar sem Söster fékk sér einn feitan og hann Hlölla-Svabbi vinur okkar var að vinna og hann var bara alveg gáttaður. Sagði bara að ég og Dísan værum bara alveg hurfnar úr mannlífi næturlífsins!!!!! Skrítið að heyra þetta en kannski smá satt samt. Við erum búnar að vera extra rólegar upp á síðkastið. En jæja á þessum tímapunkti vildi Mörið fara heim og lét Selinn sækja sig en Lufsan vildi vera áfram. Labbaði því ein á Thorvaldsen þar sem ég vissi að eitthvað af þessu deCODE liði hafði farið þangað. Og audda fór ég að bulla við einhverja gaura í röðinni og endaði bara á að djamma með þeim það sem eftir var kvölds. Þegar okkur var hent út af Tollanum fórum við á Victor í klakaslag mikinn. Geggt fjör. Svo var bara haldið heim á leið þegar morguninn. Geggjað skemmtilegt kvöld í alla staði.

Well SKATTaway!!!!
Ég var að fá sorgarfréttir. Olga sambýlingur Gunna sem er "vinur" hennar Dísu minnar var að deyja í nótt ;o( Hún var búin að vera lasin og fór að verpa í gær og dó svo bara sniff sniff. Kannski Druslan fái veskið sitt núna!!!! (Ok þetta var ljótt en fyndið samt, Olga var sko eðla.)

fimmtudagur, mars 20, 2003

Og svo tók ég prófið: ERTU DÍS EÐA NORN???


Flest grasker - Norn, súpernorn!
Enginn getur staðist segulmagnaða töfra þína og það fyrirfinnst enginn galdrameistari sem getur unnið gegn persónutöfrum þínum. En við nánari athugun kemur í ljós að þú átt engan svartan hatt, þú ert ekki rauðhærð og þú ferðast ekki um á kústskafti. Hvernig er þá hægt að halda því fram að þú sért norn.
Einfalt mál: Það er alltaf fullt af fólki sem snýst í kringum þig (líka flugur) án þess að þú hafir gert neitt. Sterkasti galdraeiginleiki þinn felst í að koma sjálfri þér á óvart.

Hehehhehehehhe
Var að taka plebbapróf á síðu sem ég fann á tilverunni. Svarið var: Þú ert plebbi!
Þannig fór um sjóferð þá!!!!
Jæja mar er bara orðinn óvirkur bloggari. Það er bara þannig þegar maður hefur ekkert að segja. Það er víst ekkert öfga mikið í gangi þessa dagana nema kannski bara draumaheimur um Bjartsýnislandið. Það er víst alltaf gaman að hugsa um það. Ég er þokkalega flutt í huganum. Vantar bara labbtoppið til að fullkomna ímyndunarheiminn minn. Þannig er nú það: Lufsan liggur bara alla daga og lætur sig dreyma um komandi skólagöngu. En hvernig er með ykkur hin þarna úti? Ekki fær maður fréttir í gestabókina. (Huhumm skot á Danaveldið sko!!!).
En svo skemmtilega vill til að það verður lið frá Bifröst í Djúpu á morgun þannig að ég, frumfruman, verð að sjálfsögðu að berja liðið augum. Það hefði nú bara verið best að geta mætt til að skoða liðið en það er víst róleg helgi framundan í snúðabakstri og teiknimyndaglápi, já og ekki má gleyma keiluferðinni sem verður á laugardaginn. En aftur að Djúpu: það verða víst 3 single gæjar að keppa. Vúhú vonandi verður nú eitthvað varið í þessa tilvonandi frumufélaga!!! Ég bíð allavega spennt!!!

Well FRUMaway!!!

mánudagur, mars 10, 2003

Bara svo þið vitið það þá er rauða hjartað og "you're legally married to a woodchuck" niðurstöður í prófum hjá Mör söster. Hún gleymir alltaf að skrifa nafnið sitt undir.

fimmtudagur, mars 06, 2003

woodchuck
YOU ARE MARRIED TO A WoODCHUCK!!!


what's YOUR deepest secret?
brought to you by Quizilla
Hvað er að stöfunum?
þetta er mitt hjarta sös...einhver herslumunur á okkur ekki satt? En ég hef nú alltaf verið væmnari stúlkan í familíunni!!!;)

Your Heart is Red


What Color is Your Heart?
brought to you by Quizilla

mánudagur, mars 03, 2003

TÍHÍ I WISH!!!!!!

breast implants!
YOU HAVE BREAST IMPLANTS!!!


what's YOUR deepest secret?
brought to you by Quizilla
ÚPPS!!!!!

Info Black
Your Heart is Black


What Color is Your Heart?
brought to you by Quizilla
Muniði spána mína um daginn:
On day Tuesday, February 25, 2003 expect to receive excellent news regarding friendship and sentiments,

On day Thursday, February 27, 2003 an exceptional opportunity will come you way (you must take it)

On day Friday, March 07, 2003 you could receive a big amount of money that you were not expecting (do not miss it!)

On day Thursday, March 13, 2003 you could make an encounter that could lead to a friendship.

On day Wednesday, March 19, 2003 you will be lucky again with money matters.


Á þriðjudaginn þá var ég að vinna niðri í Listaháskóla fyrir frænku mína og kynntist fullt af nýju fólki og á síðast fimmtudag fékk ég Bifrastar fréttirnar. Ætli það sé eitthvað vit í þessari gellu???? Allavega ætla ég að kaupa mér lottó á föstudaginn ;o)

sunnudagur, mars 02, 2003

Jæja púff hva mar er þreyttur. Í gær var sko skálað í kampavíni. Ég held að við höfum átt það skilið. Kíktum í partý til Nördanna og fórum svo í bæinn. Kíktum fyrst á Thorvaldsen þar sem Beggi Nörd með meiru ætlaði að koma okkur á einhvern lista. Mar á greinilega ekki að komast þarna inn nema vera maður með mönnum sko. Þegar við mættum voru 2 raðir og við bara fórum í aðra röðina. Beggi var víst kominn inn. Svo loks þegar röðin kom að okkur þá var dyravörðurinn bara með skæting og sagði okkur vera í rangri röð þar sem þetta var VIP röðin. Hvað veit hann hvort við séum VIP lið eða ekki. Djö.. aumingi var þessi maður. Það var ekki eins og röðin hafi verið merkt. Svo var einhver heimsk ljóska sem var með einhverja fáranlega möppu og labbaði um og valdi fólkið sem fékk að fara inn. Greinilega einhver rosa eftirsóttur listi sem hún hélt þarna á. En þessi tvö héldu greinilega að þau væru eitthvað rosa merkileg. Hvað margt fólk getur verið grunnhyggið og með endalausa valdafíkn. Jæja loks kom Beggi út og smellti fingrum og tókst að tala dyravörðinn á að hleypa okkur NOT VIP fólkinu inn. En þá byrjaði Doddinn með einhver læti þar sem þetta fólk var illa mikið að pirra hann þannig að honum var meinaður aðgangur að þessum guðdómlega stað. Þannig að við fórum inn í augnablik bara til að sjá geðveikina sem gekk á þarna inni. Gjörsamlega pakkað út að dyrum og maður hreyfðist bara með straumnum og fann sig kannski allt í einu á dansgólfinu þótt maður hafi ekkert verið að stefna þangað. En við gáfumst fljótt upp og ákváðum að fara út að róa Doddann sem var búinn að hringsóla um eitthvað blómakar ansi æstur. Til að friða hann fórum við á Astro og skemmtum okkur bara fínt. Mikið dansað og tjúttað og þar hittum við fröken ömó.is (sorry Doddi, en hún var hræðilega leiðinleg mar). Svo skelltum við okkur bara í kommúnuna og Dísan bakaði þessa líka brillíant pizzu fyrir svanga fólkið. Svo var bara sofið fram að hádegi en þá tók við gítarspil mikið og stríðsleikur að venju milli Dodda og Hix-ins. Djí hvað það er hægt að hlæja að þessum vitleysingum. Þeir eru algjör gull!!!!

Svo í kvöld skellti ég mér í bíó með Hix og Doddanum á myndina The ring. Ég bjóst við einhverju rosalegu og var alveg búin að undirbúa raddböndin eins og ég gat. (Ég er nebblilega rosa hávær þegar ég horfi á svona bregðumyndir) en ótrúlegt en satt þá kom bara ekki eitt öskur úr Lufsunni. Þetta var nú ekkert eins agaleg mynd eins og ég bjóst við. Hún var nú samt soldið spúkí. Svo er ég bara komin heim núna. Var ekkert að nenna í bæinn eða neitt og ætla bara að vera hér og glápa á imbann eða eitthvað. Jæja nóg af röfli í kvöld. Bið að heilsa vinum og venslamönnum ;o)

Bregð away!!!