Yoko Ono

Jæja ég er orðin umbi enn eina ferðina. Er sem sagt að kynna hóp sem kallast Yoko Ono og mun syngja á Bifró (árshátíðinni okkar) á laugardaginn. Það er alltaf leyndó hverjir það eru sem troða upp en þeir redda sér umbum sem kynna þá undir dulnefni. Ég og Vigga tókum þetta að okkur kl. 11.30 í gærkvöldi, kannski ekki mikill fyrirvari þar sem umbakvöldið er í kvöld en okkur tókst að vakna kl. 8 í morgun til að lufsast út í skóla og hengja upp auglýsingar. Svo verðum við flottar í kvöld með enn betri kynningu :)

Well stuð að eilífu ;)
? ? ? (núðlur eru góðar)

Til hamingju Ísland...

...með að ég fæddist hér.

Lov u Silvía :)

Fleiri sögur :)

Saga 1: Ég hef skotið af haglabyssu
Saga 2: Ég hef farið í teygjustökk

Sömu reglur, hvort er satt múhahhhaha það er svo gaman hjá mér.
Já og ég komst á topp 10 á sudoku.is í dag vííííí ok ég á mér ekkert líf :(

Ble

Vííí leikur

Jæja nú ætla ég að koma með smá leik. Gerum hann að svona klukkleik eins og var í gangi um daginn. Ég segi hér 2 sögur um mig, önnur er sönn en hin er uppspuni. Lesendur eiga svo að giska á hvor er sönn og hvor er lygi.

Saga 1
Fyrir nokkrum árum keypti ég mér nýtt rúm. Þegar ég og hjálpin tókum við því úr flutningabílnum þurftum við að koma því inn í íbúðina. Rúmið var í tveimur hlutum og hver hluti var í raun ekkert svo þungur. Byrjað var að baxa við að koma neðri hlutanum inn í herbergið. Þar sem þetta var svona horn þar sem tvær hurðir mættust var ekkert grín að koma því inn í herbergið. Við festumst oft á tíðum á milli hurða milli þess að reyna að reisa hlutann upp á annann endann til að ná að snúa honum þannig að hann kæmist inn um dyrnar. Þetta voru mikil átök en hafðist þó á endanum. Svo þegar við drusluðum dýnunni inn tók það sama við. Hún festist á milli dyranna og það var þónokkuð moj að ýta henni inn. Við vorum gjörsamlega uppgefin eftir þessa áreynslu.
Eftir helgina (rúmið kom á laugardeginum) fór ég í eróbikktíma og þegar við vorum að bíða fyrir utan salinn spurði ein kunningjakona mín mig hvort ég hafði verið dugleg að æfa um helgina. Og ég svaraði: "jáhá ég tók ekkert smá á um helgina, ég var nebblilega að kaupa mér nýtt rúm!!!" Allir sem voru nálægt og heyrðu þetta sprungu úr hlátri og þegar ég fattaði ástæðuna roðnaði ég niður í rassgat. Já ég er alltaf svooooo saklaus.....

Saga 2
Ég var að keyra í Kópavogi í sumar. Þegar ég kom að gatnamótum ætlaði ég að beygja til hægri. Ég tók eftir hjólreiðamanni sem var að koma yfir gatnamótin en ég náði ekki að stoppa í tæka tíð þannig að ég fór svolítið fram yfir gangbrautina sem hann ætlaði yfir. Hann hjólar sem sagt fram fyrir bílinn og horfir þessi lifandi ósköp inn í bílinn þannig að ég brosi bara til hans og lít svo til vinstri til að kanna hvort ég komist inn á götuna þegar hann er farinn yfir. Þegar ég sé svo að enginn bíll er að koma lít ég til hægri aftur til að kanna hvort hann sé ekki örugglega kominn yfir. Þá tek ég eftir mér til furðu að manngreyið hafi greinilega hjólað á kantinn þar sem ég var það framarlega að hann komst ekki upp þar sem enginn kantur var og já hvað haldiði, flogið á hausinn. Mér varð svo um þar sem ég vorkenndi honum og vildi ekki gera niðurlægingu hans enn meiri þar sem hann var að staulast á lappir að ég gaf bara í og ætlaði að láta mig hverfa. But hvað þá??? plúmm plúmm, plúmm plúmm. Já ég sem sagt keyrði yfir hjólið hans sem lá þarna á götunni þar sem hann var ekki búinn að ná að standa upp. Sjatturinn ég skrúfaði niður rúðuna og spurði hvort hann væri nú í lagi og já hjólið hans líka og það eina sem hann gat stunið upp var: "jújú allt í góðu, þetta segir manni bara að eftir einn ei hjóli neinn!!" Og með því staulaðist hann á lappir og upp á hjólið. Ég var bara fljót að láta mig hverfa.

Nú eigið þið að giska, hvor sagan er sönn?
Og já ég ætla að klukka Viggu og Gunnellu þannig að nú eiga þær að koma með sögur á sitt blogg :)

Ble

Eru til gáfaðar ljóskur? Tja mar spyr sig.....

Ljóska labbar inn í banka í New York og biður um að fá að tala við yfirmann í Lánadeild. Hún segist ætla til Evrópu í 2 vikur og þurfi að fá lánaða 5000 dollara. Lánastjórinn segir að bankinn þurfi eitthvað frá henni í staðinn sem tryggingu. Þá lætur ljóskan hann fá lykla af Mercedes Benz SL 500 sem hún á. Bíllinn var lagður fyrir framan bankann og þeir fara og skoða hann og allt, svo samþykir lánastjórinn að taka bílinn sem tryggingu. Bankastjórinn og allir starfsmenn bankann njóta þess að hlægja að henni fyrir að nota 110.000 dollara Benz sem tryggingu fyrir 5000 dollara láni. Starfsmaður bankans býðst til að taka bílinn og leggja honum í neðanjarðar bílageymslu bankans.

2 vikum seinna kemur ljóskan og borgar til baka þessa 5000 dollara auk 15,14 dollara í vexti. Þá kemur Lánastjórinn og segir við hana að hann sé glaður yfir að þetta hafi allt gengið vel en sagði við hana að hann hefði látið rannsaka hana og séð að hún væri milljarðarmæringur. Og hann spyr: "Afhverju varstu að fá lánaða 5000 dollara en lagðir 110.000 dollara bíl sem tryggingu?" Þá segir hún: "Hvergi annarstaðar í New York get ég lagt bílnum mínum í bílageymslu í 2 vikur fyrir 15,41 dollara og búist við því að hann sér þar þegar ég kem til baka."

Já og áfram Silvía Nótt......

Væl og skæl

Bölvað væl er þetta í fólki sem kann ekki að taka tapi. Endalaust afbrýðsemi og allt reynt að gera til að eyðileggja frekar en sætta sig við tap og fagna sigri frábærs lags og brillíant flytjanda. Já ég tala um sigur hjá Silvíu Nótt, það kemur ekkert annað til greina!!!

ÁFRAM SILVÍA NÓTT, þú ert æði :)

Það fór sem fór

Já Íslendingum tókst að tapa leiknum áðan á móti Noregi. Kemur svo sem ekkert á óvart þar sem ég var að horfa. Ég held að ég sé slæmt "karma" fyrir liðið, þeir tapa ALLTAF þegar ég er að horfa en vinna þegar ég gleymi að horfa. Hvað er málið?? Þannig að ef svo ólíklega vilji til að Rússar rústi Dönum og við fáum að keppa um fimmta sætið þá ætla ég sko ekki að horfa!

En að öðru, hvað er málið með búninga liðsins? Jújú bláir og sætir en hvaða efni eru þeir gerðir úr? Búningarnir líta út eins og þeir hafi legið lengi já lengi í glugga og sólin hafi upplitað þá þessi ósköp. Svo svitna leikmenn heil ósköp á rassi og hreðjum og svitapollar myndast á milli rasskinnanna á þeim. Hehe smá skondið að sjá þetta og sorry að ég segi þá pirra svona "óhugsuð" atriði mig alveg gífurlega. Legg til að búningar liðsins verði endurskoðaðir og gætt að því að svitamyndun verði ekki svona greinileg. Hamanaha.

well dinner ble

Hva er a ske mar???

Allt útlit var fyrir því að Silvía Nótt fengi ekki að keppa næsta laugardag í undanúrslitum fyrir Eurovision-keppnina þar sem lagið komst í spilun í gær og fór eins og eldur um sinu á milli tölvunotenda. Í dag kom svo úrskurður að hún fengi að keppa vííí.

Ég er allavega sátt við að hún fái að keppa. Annað hefði verið hneyksli. Þetta er snilldarlag og ég held barasta að þetta fari ansi langt á laugardaginn ef ekki alla leið. Hún fær allan minn stuðning og ég er farin að hlakka til að sjá flutninginn. Hún gæti þó orðið misskilin ef hún fer alla leið en ég held að þjóðin ætti að taka breytingum fagnandi og taka smá áhættu. Alltaf gott að fá umtal og vekja athygli sbr. Palli með geggjaða lagið sitt á sínum tíma. Hann var frumkvöðull breytinga innan keppninnar og mörg frábærlega öðruvísi lög hafa fylgt í kjölfarið.

P.s. fékk myndina lánaða á visir.is. Held meira að segja að Heiða vinkona hafi tekið hana :)

L8er ><((((°>